मैत्री दिवस*🤝

🤝 *जागतिक मैत्री दिवस*🤝

खरंच, काय अनोखी गम्मत आहे ना ह्या इंग्रजांनी सुरू केलेल्या दिवसामध्ये.....,

ज्यांच्याशी आपले मैत्रीचे संबंध जुळतात त्यांच्याविषयी भावना व्यक्त करण्याचे वेगवेगळे दिवस..पण फक्त त्यात "मैत्री" या शब्दाचा उल्लेख असायला हवा..

"मैत्री" म्हणजे काय? सोडा हो... व्याख्या काय करायच्यात? खरंतर व्याख्येत बसतं, ते नातं नसतंच कधी.

 रोजरोज भेटतात, रोज एकमेकांशी बोलतात तेच खरे मित्र मैत्रीण असतात, असं असतं का? 

किंवा ते खरंच एकमेकांचे चांगले मित्र मैत्रीण असतात का?

पण महत्वाचं म्हणजे मैत्रीला जात नसते, वेळ नसते, वय नसतं, अट नसते आणि रूपही नसतं. प्रेमाच्या कित्येक पुढे गेलेलं नातं म्हणजे "मैत्री".  

समोरच्याचा त्याच्या गुणदोषा सकट स्वीकार म्हणजे "मैत्री."  जिथे मनातलं बोलताना समोरच्याला आपण गमावू अशी भीती नसते, तिथे असते "मैत्री". 

"मैत्री" ही म्हणजे जगासाठी अदृश्य पण दोघांच्याही मनात ठळक असलेलं खोल नातं. जिथे देणंही हक्काचं असतं अन घेणंही हक्काचं असतं. ते नातं म्हणजे "मैत्री"

 समोरच्याच्या मनाची काळजी स्वतःपेक्षा जास्त घेणे याची जाणीव असणे म्हणजे मैत्री. ही मैत्री कुठे सापडते हो? आयुष्याच्या टप्प्यावर अशी "मैत्री" कुठेही सापडू शकते. कधी आई वडिलांत, कधी मुलांत, कधी बायकोत, कधी नवऱ्यात तर कधी अनोळखी माणसात. 

तसेच "मैत्री" ही फक्त स्टेटस पुरती,फोटो पुरती मर्यादित नाहीये ,पण शब्द पुरणार नाहीत ,लिहायला कागद उरणार नाहीत माझ्या आज पर्यत च्या आणि पुढील आयुष्यात माझ्या साठी "मैत्रीची" व्याख्या हिच असेल की ,मित्र म्हणजे अनेक आधार, विश्वास ,अनेक आपूलकी आणि अनमोल साथ ,जी मला तुमच्या रुपाने मिळाली.😘

तुमचंही आयुष्य अश्याच मित्र-मैत्रिणींनी भरलेलं असू दे. 

जागतिक मैत्री दिनाच्या सर्वांना खूप खूप शुभेच्छा !

🤝🤝🤝🤝🤝🤝🤝🤝🤝❤️❤️🙏🏻