पर्यवसान

 *🍁🌹!!श्रीराम समर्थ!!🌹🍁* 

*भिकाऱ्याला पैसे द्यावेत का?*

*भगवंताने आपल्याला पैसा दिला आहे तो आपण सत्पात्र आहोत म्हणून का दिला आहे? यासाठी भिकाऱ्याला पैसे देतांना उगीच वाद घालू नये. तसे करणे म्हणजे काहीही न करण्याची बुद्धी होय. तेव्हा भिकाऱ्याची योग्यता आणि आपली कुवत बघून पैसे द्यावेत, पण कधी नाही म्हणू नये.*

*मला जो पैसा मिळतो तो सारा माझ्या श्रमाचा असतो असे नाही. तेव्हा कोणी आपल्याकडे भीक मागू लागला म्हणजे भगवंताने दान करण्याची संधी मला दिली या भावनेने त्याला काही द्यावे. त्याला वाईट बोलू तर नयेच, दिल्याची आठवण राहणार नाही इतकेच द्यावे. देत गेल्याने देण्याची सवय लागते. भगवंताला सर्वस्व देण्यात शेवटी त्याचे पर्यवसान होते.*

*!! श्रीराम जयराम जय जय राम !!* 

*परमपूज्य सद्गुरू श्री ब्रह्मचैतन्य गोंदवलेकर महाराज*