*🌹🙏 श्रीराम समर्थ 🙏🌹*
*पू. बाबा : पू. तात्यासाहेब पेटीवर बसल्यावर प्रथम 'श' ह्या अक्षरावर बोट ठेवायचे. माझ्या हे लक्षात आल्यावर व मी त्यांना याचे कारण विचारले तेव्हां ते म्हणाले, त्याचा अर्थ मी शरण आहे असा आहे. हे (पेटीवर बसणे) श्रीमहाराजांनी सांगितले आहे म्हणून मी करतो. प्रथमच शरण जावे हे चांगले. नंतर ह्याबद्दल मी श्रीमहाराजांना विचारले तेव्हां ते म्हणाले, 'शंभर वेळा माणूस शरण आहे, शरण आहे असे म्हणाला तर एकदा तरी तो भाव येईल'.*
*एका गृहस्थांच्या पत्नीला Schizophrenia (दुभंगलेले व्यक्तित्व) झाला होता. अॅटॅक आला की कधी कधी स्वतःच्या तान्ह्या मुलाला खिडकीबाहेर फेकून देण्याच्या गोष्टी करी, त्यामुळे ते फार त्रासले होते. त्यांनी ही गोष्टी श्रीमहाराजांच्या कानावर घातली तेव्हां श्रीमहाराज म्हणाले की आपण प्रपंच खेळासारखा मानावा.
त्या मुलाचे प्रारब्ध तसे असेल तर तेच घडेल आणि तसे नसेल तर फेकून दिल्यावरही कोणी त्याला वरच्यावर झेलून धरील. आपण घाबरू नका; राम सांभाळील. पुढे त्या बाईंचा आजार कमी झाला व त्या गृहस्थांचा संसार नीट झाला.*
- *अध्यात्म संवाद*
No comments:
Post a Comment