शंका

 *चित्रं वटतरोर्मूले*

*वृद्धाः शिष्या गुरुर्युवा।*

*गुरोस्तु मौनं व्याख्यानं* 

*शिष्यास्तुच्छिन्नसंशयाः॥*

पाहा, कशी ही अद्भुत गोष्ट आहे, वटवृक्षाच्या मुळाजवळ वृद्ध शिष्य बसलेले आहेत आणि गुरू तरुण आहेत. गुरू केवळ मौन अवस्थेत बसले आहेत. पण तेवढ्यानेच शिष्यांच्या सगळ्या संशयाचे निराकरण होत आहे.

गुरुंनी सविस्तर व्याख्यान/प्रवचन/स्पष्टीकरण केले, तर शिष्यांच्या शंका दूर होण्याची शक्यता असते. पण या श्लोकात असे सांगितले आहे की, गुरू काही बोलत नाही, पण शिष्य मात्र निःशंक होतात, हे महान् आश्चर्य आहे. 

*यातील कल्पना अशी आहे :-* 

गुरूच्या सांनिध्याचे/सामीप्याचे सामर्थ्य इतके प्रचंड आहे की त्या सामर्थ्यामुळे शिष्यांच्या मनातील सर्व शंका संपतात.किंवा असे म्हणता येईल :- गुरू काही बोलत नाही, पण ते ज्ञानाचे मानसिक संक्रमण शिष्यांमध्ये करतात आणि शिष्यांच्या सर्व शंका नष्ट होतात.

*(श्री दक्षिणामूर्ति स्तोत्र - श्री आद्यशंकराचार्य)*