वृत्तीत बिघाड

 *🌹🌹!!श्रीराम समर्थ!!🌹🌹*

*🍁पैशामुळे बहुदा वृत्तीत बिघाड होतो🍁* 

*श्रीमहाराज पैसा शब्द न वापरता पैका असा शब्द वापरीत. एकाने प्रश्न केला की, "आपण पैशाला  पैसा न म्हणता पैका असे का म्हणता?" श्रीमहाराजांनी उत्तर दिले, ज्यास तुच्छतेने लेखायचे असेल त्याला "क" प्रत्यय लावतात असे मी ऐकले आहे." त्याने पुन्हा प्रश्न केला, "भगवंतानेच पैसा निर्माण केला आहे ना? मग आपण तो तुच्छ कसा म्हणता?" श्रीमहाराज म्हणाले, "पैसा या वस्तू बद्दल मी तुच्छ पणा दाखवीत नाही. पैशामुळे वृत्तीमध्ये बिघाड होतो. आपला योगक्षेम भगवंताच्या कृपेने चालत असून देखील पैशामुळे तो चालतो असा भ्रम पैसा उत्पन्न करतो. पैशाच्या मोहाने भगवंताचा विसर पडतो ते मला पसंत नाही. पैसा कितीही मिळाला तरी तो भगवंताच्या कृपेने आला आहे याची सतत जाणीव जो माणूस ठेवेल तो मोठ्या भाग्याचा समजावा. दुसरे म्हणजे इतर व्यसनांना शारीरिक मर्यादा असतात पैशाला त्या नसतात. माणसाला पैशाचे अजीर्ण कधीच होत नाही."*

*!! श्रीराम जयराम जय जय राम !!*

 *प पू सद्गुरू श्रीब्रह्मचैतन्य गोंदवलेकर महाराज*