जन्माचे सार्थक

 *🌹🙏 श्रीराम समर्थ 🙏🌹*

*🌺🙏नामप्रभात 🙏🌺*

     *योगसाधन करणारा एक मद्रासी माणूस होता. सुक्ष्मदेहाने तो मंगळावर जाऊ शके. परत येत असता पृथ्वीच्या वातावरणात शिरताना त्यास कष्ट होत. ते कष्ट दूर व्हावेत म्हणून तो अनेकांना भेटला पण त्याचे समाधान झाले नाही. अखेर तो श्रीमहाराजांना भेटला. प्रथम श्रीमहाराजांनी पृथ्वीवरून मंगळापर्यंत जाताना लागणाऱ्या टप्प्यांचे वर्णन केले. नंतर ते त्यास म्हणाले की , " परत येताना तुमच्या कुंभकात दोष निर्माण होतो म्हणून तुम्हाला देहात परत शिरण्यास कष्ट होतात. तुम्ही जर ' केवल कुंभका ' चा अभ्यास वाढवलात तर हे कष्ट होणार नाहीत. " हे सांगून श्रीमहाराज पुढे म्हणाले , योगाभ्यासाने मंगळावर जाऊन येता आले म्हणजे आपल्या हातात फारसे काही लाभले असे मानू नये. मंगळावर जाऊन येण्याचा नाद सोडून ती शक्ती जर नामस्मरणात खर्च केली तर शाश्वत समाधान मिळण्यास त्याचा फार उपयोग होईल. तरी तुम्ही आवर्जून नामस्मरणास लागावे. राम तुमच्यावर जरूर कृपा करील. नाहीतर हा एक प्रकारचा नुसता गारुड्याचा खेळ होऊन त्याने जन्माचे सार्थक होणार नाही. "*

*||श्रीराम जय राम जय जय राम ||*