*🌹🌹!!श्रीराम समर्थ!!🌹🌹*
*श्रीमहाराजांचा एक विशेष गुण म्हणजे सहनशीलता होय. त्यांना आपल्या आयुष्यांत अनेक प्रकारच्या दिव्यांतून जावें लागलेल्या. निंदा, तुच्छता, अवहेलना, अपमान, आघात, वगैरे गोष्टी तर त्यांच्या नित्याच्या अनुभवाच्याच बनल्या होत्या. पण चुकून देखील त्यांनीं आपल्या शांत वृत्तीचा भंग होऊं दिला नाहीं, इतकेंच नव्हे तर स्वतःची निंदा करणाऱ्यांचीही त्यांनीं आपण कधीं निंदा केली नाहीं, स्वतःला तुच्छ करणाऱ्यांना कधीं तुच्छ केलें नाहीं, स्वतःचा उघड उघड अपमान करणाऱ्याचा कधीं अपमान केला नाहीं, आणि स्वतःवर संकट ढकलणाऱ्यावर उलट कधीं आघात केला नाहीं. अनेक मार्गांनीं आपल्याशीं विरोध करणाऱ्या लोकांच्या देखील उध्दाराचीच श्री महाराजांनीं चिंता वाहिली. एडिसनने म्हणतो कीं, 'प्रत्येक थोर पुरुषाला आपल्या थोरपणाबद्दल निंदारूपी कर जगाला द्यावा लागतो, नोंदी लोक हे भुकंणारे कुत्रे असतात असें डाॅ.जाॅनसन् म्हणतो. पण स्वार्थानें केलेली निंदा विसरून त्या निंदकाचें लक्ष भगवंताकडे कसें लागेल याचाच प्रयत्न करणाऱ्या श्री महाराजांची सहनशीलता किती वर्णन करावी! लोकांकडून येणारा मान जितक्या सहज रितीनें त्यांनीं गिळला तितक्याच सहजतेनें लोकांकडून येणारा अपमानहि त्यांनीं गिळला, आणि दोघांनाही सारख्याच आपलेपणानें भगवंताच्या नामाचें महत्व ते जन्मभर सांगत राहिले.*
*!! श्रीराम जयराम जय जय राम !!*
*प पू सद्गुरू श्रीब्रह्मचैतन्य गोंदवलेकर महाराज*
No comments:
Post a Comment