श्रीराम समर्थ
सातवा अध्याय वाचावा
[पू अण्णा वर्टीकर यांनी सांगितलेली गोष्ट]
एकदा स्वप्नांत श्रीमहाराजांचे दर्शन झाले. मी त्यांना नमस्कार केला तेव्हां श्रीमहाराज म्हणाले,
'सातवा अध्याय वाचावा.'
एवढेच स्वप्न. सातवा अध्याय वाचावा, पण कशांतला हे श्रीमहाराजांनी सांगितले नव्हते, जागा झाल्यावर मी प्रथम दासबोध उघडला पण त्यांत अध्याय व समास होते. नंतर श्री. फडकेंची श्रीमहाराजांची पोथी पाहिली, आणि काय आश्चर्य ! त्यात अध्याय होतेच, पण सातव्या अध्यायांत श्रीमहाराजांनी सांगितलेला उपदेश होता. सातवा अध्याय हा पोथीचा मेरुमणि होता. श्रींनी असे कसे सुचविले मला माहीत नाही. पण तेव्हांपासून पूजा करतांना, मी फक्त सातवाच अध्याय वाचण्याचे ठरविले.
सातव्या अध्याया विषयी ग्रंथकाराने लिहिले आहे,
'सप्तमोध्याय महौषधि | सेविता शमे भवव्याधी |
स्थिर करोनिया बुद्धि |श्रवण-मनन करावे ||
सकलाध्यायी मेरुमणी | हा सप्तमोध्याय गुरु-वाणी |
ठेवितां सदा स्मरणी | भवजाचणी लया जाईल ||'
*********
संदर्भः अण्णांच्या गोष्टी हे प्र ना वर्टीकर यांचे पुस्तक पान १०७
*संकलनः श्रीप्रसाद वामन महाजन*
No comments:
Post a Comment