श्रीब्रह्मचैतन्य म्हणजेच गोंदवलेकर महाराज स्वतःविषयीं कमी बोलत. पण आपल्या प्रेमांतील घरगुती मंडळी जवळ बसली असता कोणी प्रश्न विचारला तर स्वतःबद्दल माहिती सांगत.
प्रश्न - *'महाराज ! आपण आपल्या आईबद्दल कांहीं सांगा.'*
उत्तर - *'आई हें दैवत आहे यांत शंका नाही. आईवर ज्याचें प्रेम नाही त्याचें भगवंतावरही प्रेम नाही.* तुमच्या प्रश्नाचें उत्तर मी कसें देऊ ? *ज्याची देहबुद्धि नाहीशी झाली त्याची आईची जाणीव कमी होते.* सगळ्याचा विसर पडल्यावर सर्वांची आठवण करणें कठिण जातें. [ या ठिकाणी श्रीमहाराज थोडेसें थांबले व मग पुनः बोलले ] कसें सांगूं तुम्हाला ? *तुम्हाला संत होणें हें जितकें अवघड आहे तितकें मला देहबुद्धीत येणें अवघड आहे.* भगवंताचा अवतार जरी झाला तरी, तो अयोनिसंभव असला तरी आई त्याला आपल्या मुलाप्रमाणेंच पहात असणार. *आपण आंबा खाल्ल्यावर तो आंब्याच्याच झाडाला आलेला आहे. बाभळीच्या झाडाला तो नक्की आलेला नसणार, हें आपण सहज समजतों. तसेंच इथें समजावें.* माझी आई फार उदार होती. भगवंताकरता ती लोकांना मदत करीत असे.'
*********
संदर्भः *संतांचें आत्मचरित्र* हे प्रा के वि बेलसरे यांचे पुस्तक पान २६६
संकलनः श्रीप्रसाद वामन महाजन
No comments:
Post a Comment